يقول يحيى عمر من ماته أمه تقنع=با يطعم الماء صبر والقوت ما عاد ينفع
اح من خالتي خلت فؤادي موجع = ياربنا نسالك تنزل لها موت افجع
يومي وليلي وطرف العين معاد يهجع=لما الصميل المعقد طول ظهري بيقرع
باودع الدار ذي سوو ركونة مربع=ياراس المنيبي قال يحيى مودع
يامسقط الراس ذي دايم فيك قلبي مولع=يامطرح العز والجودات ياشامخ اربع
باودعك يا حلالي غصب والعين تدمع=مادام شفت البقاء لي فيك ما عاد ينفع
سرحت والكبد حسيتة وقلبي تقطع=والخوف ذي زاد خوفي من ابي حين يتبع
ثم قال يحيى عمر صادفت على المكلة أربع=مسجدات النباع خلين عقلي مضيع
الاولة منهن خيلة علي حين تربع= مع الوزغ والحجل في الساق ينزل ويطلع
والثانية منهن بندق فرنجي مصنع= يقرح وصاب النصع ماترجع
والثالثة منهن خاتم ذهب فوق لصبع=يهنا لة المستريح لاقال اني مشبع
والرابعة منهن مثل القمر حين يطلع=في ليلة النصف من شعبان لة نور يصطع
وحين صادفتهن سوين حولي شكل المربع=قالين نسالك باللة وا يحيى أرجع
وكل واحدة منهن بتوقف في طريقي وتمنع=وقلت يالخنيمي تحضر معية وتفرع
وقلت باللة أسالكن خليني اجزع= قالين اللة معك ذي من دعى لة بيسمع
مريت انا في سبيلي والدموع اربع اربع=نار الفراق احرقتني حين ودعت لربع
وقلت ياحافظ احفظهن وتكرم وتشفع=وتكرم الحيد واكرم وادي طول الموسع
وتكرم الواد والاشعاب والناس اجمع= بسيل يرحم وجاهم منة البرق يلمع
يحيى عمر قال يابيت الجمالي مودع=سرحت منك وسالة من سرح ليك يرجع
رزقي على اللة ولرزاق ماشي بتقطع=أنا توكلت على المولى وارض اللة اوسع
وذكر النبي كل مالقمري على الغصن يسجع=وكل مالنوب تزجل فوق لغصان ترتع